Diane:  Para sa darating na Pasko, ihahandog natin sa mga Pilipino ang proyektong "Jollibee Burger Mula sa Puso".  Sa bawat hamburger na bibilhin, isang kapus-palad ang matutulungang mabigyan ng libreng pagkain. Salamat po.

Pangulong Celis:  Diane, magaling ang iyong trabaho!  Binabati kita.

Diane:  Sana naibigan ninyo ang storyboard.

Ginoong Tino:  Celis, sa palagay ko'y maayos ang ginawa ni Diane.  Subalit napakaliit ng budget para sa patalastas na ito.  Bilang Finance Manager, nais kong imungkahi na itaas ang budget.

Pangulong Celis:  Diane, ano ang iyong palagay?

Diane:  Tama po si Sir Tino. Ang isang milyong piso ay hindi sapat upang maisakatuparan natin ang proyekto sa Disyembre.

Pangulong Celis:  Nakita ko ang financial statement report ni Tino. Kaya pa nating dagdagan ang budget mo ng isa pang milyon.

Ginoong Tino:  Kung ganoon, mas malawak ang mararating ng ating patalastas.

Diane:  At mas marami tayong matutulungan.

Pangulong Celis:  Yan naman talaga ang direksyon ng Jollibee.  Pipirmahan ko na ang bagong budget.