Mona:  Garnet, saang call center ka nga ulit pumapasok? Nakalimutan ko kasi.

Garnet:  Sa pinakabagong E-Telecare Global Solutions sa Mandaluyong.

Mona:  Ako sa E-Telecare din pero sa Makati.

Garnet:  Kakasimula ko lang noong isang linggo.  Napag-alaman kong ang E-Telecare pala ang pinakamalaking call center sa Pilipinas.

Mona:  Oo, nasa higit na sampung libong tauhan na ang mga naninilbihan dito sa Pilipinas.  At mayroon pang mga tatlong libong katao ang naka-base sa Arizona, North Dakota, South Dakota at New Mexico.

Garnet:  Paano nga pala lumaki ng ganito ang call center?

Mona:  Sabi ng aming TL (team leader), lumago ang E-Telecare dahil sa katatapos na IPO (Initial Public Offering) ng American Depository shares sa NASDAQ Stock Exchange sa halagang labintatlong dolyar bawat share.

Garnet:  Ganoon ba?  Alam mo rin ba kung magkano na ang kabuuang kapital nito?

Mona:  Ang kinita ng IPO ay labindalawang milyong dolyar kung kaya naman umakyat na ang kapital sa kabuuang halagang limang daan at tatlumpung dolyar.  Anong masasabi mo roon?

Garnet:  Kaya naman pala nakakagulat din ang buwanang pasahod dito na mas mataas kaysa sa karaniwang ibinibigay sa ibang kompanya. Mapalad tayo Mona.