Anna:  Saint Jude, patron ng mga walang pag-asa... Ipanalangin mo po kami.

Karen:  Sa ngalan ni Hesukristo, aming Diyos!

Nina:  Amen.

Anna:  Hindi pa rin ako tinatawagan ng mga kompanyang inaplayan ko!

Karen:  Anong akala mo? Ikaw lang ba? Ako rin, mag-iisang taon na!

Nina:  Ako, ang lahat ng aplayan ko, tumatawag naman.  Awa ng Diyos, hanggang unang panayam lang tapos wala na!

Anna:  Ang hindi ko lubos maisip, mataas naman ang pinag-aralan nating tatlo.  Bakit kaya ayaw nila tayong tanggapin?

Karen:  Yun na nga ang mahirap dito sa Pilipinas.  Kahit gaano ka pa katalino kung wala ka namang kapit sa loob, eh wala ka pa rin!

Nina:  Pagod na pagod na nga akong maghanap ng trabaho.  Tingnan ninyo ang sapatos ko, pudpud na! Hay naku! Ang buhay nga naman!

Anna, Karen at Nina:  Saint Jude, patron ng mga walang pag-asa... Ipanalangin mo po kami.